S’TË DOJA HERO
S’të doja hero, Afrim Bunjaku,
Vëllai im i vogël, vëllai im i madh,
Ani se kurrë nuk ishim parë...
Ti kishe rënë dëshmor aq shumë herë
Me Azem Galicën, me Adem Jasharin
Me këto duar t’i pata mbyllur sytë…
Kishim aq shumë heronj në Kosovë
Pse duhej të bije dhe ti këtë shtator,
Apo se muranat ende nuk kanë rënë!?
Europa del në dritare e thotë dialog,
Unë kërkoj një epitaf për ty që shkul malet:
“Kosova asht gjaku im që nuk falet!”
S’të doja hero, Afrim Bunjaku,
Vëllai im i vogël, vëllai im i madh,
Që po shkon në përjetësi duke qeshur.
25 shtator 2023
Fb: NDUE DEDAJ
